En de latzte poa Joa haft dee Steinreich Bibelschool en daut Kjinjaheim en Tomochic metjeholpen. Uba dit Joa wullen see mol dee Menschen aula halpen.
Medden Feebewoa fua eene Grupp von dee School doahan. See neemen väl Moot met, wiels daut opp twee Doag wia, un see nich wissten, woo daut doonen wudd. See wullen aule Interessenten en Tomochic eene Moltied jäwen. En dee Ranch un Omjäajend wonen soo bis 2800 Menschen.
En groote Miagrupes mueken see dee Moltieden. Dee Menschen kunnen eefach doahan kumen un äten.
Uba daut daut jratste Ziel von dän Deenst wia dee Menschen waut wietvolleret too beeden. Dee Schiela hauden Traktoten, waut see dee Menschen jäwen kunnen. Doa es kort buwen jeschräwen, waut dee Bibel de Menschen aunbeeden deit, dee Radung derch den Harrn Jesus.
Doa word noch in kortet Drama väajebrocht, woo jeemaund, wäa jebungen es, frie woaren kaun.
Un dann word doa noch in Programm jeboden. Eene Grupp sung un späld, un atelje Mana brochten doa noch Botschaften.
Dee Menschen wieren seeja oppnämend. Äant jefoll daut seeja. Ver een Stua hauden see daut oppjestalt fe dee Senja un Rädnasch. Dee Wiet vom Stua wia soo froo, daut hee sich nuscht jäwen leet doafäa, uck wann see von am dee Elektrizität neemen.
Fe dee Deelnäma wia daut ne seeja goode, ne wietvolle Äarfoarung.
Nu disse Doag wellen see von dee Bibelschool wada no Tomochic foaren, dit Mol no daut Kjinjaheim. Doa wellen see halpen met veschiedne Enrech-tungen un uck met Beemkjes saten.