Dee Kornpriesen send nu soo huech aus dee aul lang nich jewast send. Väaje Wäakj Donnadach wia dee Chicago Pries 6.35 Dola de Bushel, daut es so bie 247 Dola de Ton. Dee Pries stäch jieda Dach. Noch wisst kjeena, woo lang dee Pries stiejen wudd, uba aules died doanoo han, daut dee Pries wieda nopp gonen wudd.
Wuarom jeit dee Pries soo wiet nopp? Daut es ne Froag von Aunjebott un Nofroag. Em Moment schient dee Noofroag jrata aus daut Aunjebott.
En Brasilien es daut dräja aus jeweenlich, uck soo en atelje aundre Lenda, wua Korn produziet woat. Uck en de Stäts opp väle Städen beferchten, daut it fe Korn too dräch sennen kunn. Naturlich kunn sich daut Bild dreijen, wann daut wudd fein naut woaren, doch sit daut nu nich doanoo.
Dee Reserven von Korn en dee groote Spikjasch es nu läaja aus dee sull sennen. Daut es wuarom dee Kjeepasch in bät oppjeräacht send.
Em Joa 2012 word dee Kornpries bat 8.31 Dola, un opp billichste 5.52 Dola. Em Joa 1987 wia dee 2.02 un 1.43, det dieschte un billichste un aun 2005 wia dee 2.60 un 1.91.
Opp de Zeitungssieden kaust du dee Priesen von de latste 40 Joa lesen.