Daut Coronavirus jrippt wada bie Cuauhtemoc aun

Väajet Joa em Juli un August worden väle Menschen vom Coronavirus krank.
Dann scheen daut soo, aus wann daut schlemmste vebie wia. Kjoaken, Schoolen un Traffens uck Utroops wia aules aus dee Menschen daut jewandt wieren. Daut scheen soo, aus wann daut Coronavirus nich meeja väl Menschen aunjreep.
Doch de latste Wäakjen send nich blooß wada väl Menschen krank jeworden, uba väle uck seeja krank, un atelje send sogoa doaraun jestorwen.
Daut es uba nich blooß enne Darpa, wua nu meeja Menschen vom Corona-virus krank woaren, uba uck en Cuauhtemoc. Väajet Joa, aus soo väl Mennoniten krank worden, wia en Cuauhtemoc meist kjeena krank. Dann worden väle Menschen en Cuauhtemoc krank, uba nich enne Darpa. Nu es ist opp beid Städen, wua dee Menschen aum Covid-19 krank woaren.