De Jrenz von Mexiko no de Stets blift too

Aul von toojoa em Moaz es dee Jrenz tweschen de Stets un Mexiko un de Stets no Kanada too. Blooß wäa „Needjet“ well, kaun äwa. Dit es fe dee Jrenz, wua eena äwajeit oda met Foatia äwafoat.
Daut Dekret woat emma een Monat opp eenmol velenjat. Em Juni word daut bat den 21. Juli aunjelenjat, un dann mol seenen.
Spazieren foaren, blooß jrodsoo romreisen oda fe eenem tus enkjeepen woat nich aus needich aunjeseenen. Uba doch haft jewesse Menschen daut aul jelekjt, daut se äant bie de Jrenz äwajeloten hant, wann se vesochten. Aundre haft daut nuscht jeholpen, wann see vesocht han.
Fe de Jeschafta send dee Säajnungen jemischt. De kjliene stetsche Jeschafta dicht aune Jrenz hant aul seeja jeläden. See vemissen dee mexikaunische Kunden. Uba väle Jeschafta en Mexiko kjennen nu meeja fekjeepen, wiels väl Menschen nich no de Stets foaren kjennen.