Aus dee Jugend von dee Uwendschoolen en dee Manitoba Kolonie äa Wiehnachtsprogramm brocht, wieren doa bot 2000 Menschen jewast. Uck wann dee Komiteeschoolen äare Programme brochten, kjeemen bat äwa 1000 Personen.
Soo aus dee Schiela oppträden, fein en Ordnung, äwareen aunjetrocken, es daut aul leicht, nie Wihnachts-enstallung too kjriejen. Wann dee Schiela dann äare Jedichta un Leeda väabrinjen, es daut ne Freid auntoohieren, waut see jeliet hant. Besondasch de Elren freien sich, too seenen un too hieren, waut äare Kjinja jeliet hant.
Doch kjennen de Kjinja daut meist nich auflueren, nom Programm en äare Schoolstow nenntoogonen, wua see noch in Jeschenkj kjriejen.
Dee veschiedne Schoolen von dee veschiedne Kjoakjen hant dee Programme veschieden enjeeft, uba aula brinjen dee Wiehnachtsbotschaft rut met Leeda un met utwendigjeliedet. Un en aul dee veschiedne Schoolen send dee Wiehnachtsprogramme seeja beleeft.
Daut jeft een sajen, daut heet onjefäa soo: Väle Elren schatzen dee School un den Liera doano en, woo goot daut Wiehnachtsprogramm es.
Wann Elren veschiedne Jefeela äwa de School jehaut hant opp dit Wiehnachtsprogramm vejat eena doavon. Stemmt dit?
