Iescht en El Valle un dann en dee Lebenswasser Kjoakj haud dee groota Chor daut Wiehnachtsprogramm väajebrocht. Nu väld noch een Programm.
Hia wudd sich daut rutwiesen, auf Menschen daut Programm jegleicht hauden. Daut wudd sich aul schwind rommräden, woo see daut jegleicht hauden.
Aul eene Stund eeja daut 4. Programm dit Mol en Steinreich, väajebrocht word, wia daut Kloa, daut Menschen sich dit nich wullen derchgonen loten. Menschen kjeemen und felden den Rum, dit Auditorium. Noch fäld ne haulwe Stund, un dee Sol, wia voll.
Dee Toon word aul Wiehnachtlich jemoakt, soo aus dee Senja un Musikaunten sich aunjetrocken hauden, schwoat met root. Vom ieschten Leed bat dit latste word dit Jefeel utjestrohlt.
Daut dee Chor dee Leeda so enjeeft väabrochten wia uba nich veselfs jekumen. See eewden iescht en kjliene Gruppen. Aus see dann aus gaunza Chor toop eewden, kjanden see dee Leeda aul. Säwen Mol, benna twee Wäakj, eewden see dann noch aus gaunza Chor. Dit jeef dee Grupp in Schwung, waut see em Programm utstrohlden.
Om waut jinj daut en dit Programm? Daut Jesus nich opp de Ied jekumen wia, toom in schmocket Baby sennen, uba toom en de Menschen äare Hoaten nenn trakjen.
Cornelius Schmitt vetald dit en eene Äarfoarung. Een kranka Maun, so krank daut hee helplooß em Bad lach, jinj derch en Kaumpf von schlacht un goot. Meist toom vetwiewlen wia daut. Hee kunn nich mol räden. Uba hee kunn „Jesus, Jesus, Jesus“ denkjen. Emma wann hee dau säd (en Jedanken) jewonn dee goode Sied, bat hee schließlich in Fräd kjräch. Hee feeld, nu haud Jesus jewonnen un wia en sien Hoat nenjetrocken.
Nu haft dis Chor, toopjestalt ut dicht bie 20 Jemeenden, äare Oppgow fe dit Joa äarfelt. Nu es de Froag, waut nu foljen woat, waneeja see wada in Programm eneewen woaren.
