9 Menschen kumen bie Seminole te Dood

En eenem furchtboaren Accident dicht bie Seminole kjeemen 9 Menschen te Dood. Een Pickup, jefoaren von Ricky Siemens, Sän von Heinrich Siemens fua toop met eene Van von Golfspäalasch von dee Southwest Christian Chollege. See hauden en Midland en een Golftournament met 10 aundre Colleges toop jespält, un wieren aum 15. Moaz opp dem Wach no Hus, no Hobbs.
See wieren soo bie 40 Kilomeeta auf von Seminole dicht bie Andrews aus see met den Pickup toop fueren. Schienboa wia bie dem Pickup ne Reif jeplautz en dee Pickup kjemmt schienboa bat äwa dee Meed Wach. Dee Foatia brennden fuets aun, un 9 Menschen storwen doa em Accident. Heinrich Siemens, 38, un sien Sän Ricky (13) storwen aule beid. Siemens staumt von Jrienfeld, Campo 109, Swift Current Kolonie.
Heinrich Siemens fabrend veajet Joa äa Hüs. Aules febrend. Nuscht kun jerat woaren. Siemens hauden 4 Kjinja met Ricky toop. Siemens siene Frü es Agatha Reima, stammt von Rosenhof (Nr. 104).