Jieda Hoafst woat en dee Kjoakjen fe de Arnt un fe väl meeja aus daut jedankt. Jewesse Kjoakjen nannen daut nich meeja Arnt-Dankfast, uba blooß Dankfast, wiels väle Menschen äa Läwen nich meeja von de Ackarie vedeenen, uba hant aundre Oabeiden. Daut meent uba nich, daut see nich uck in Dankfast fieren wellen.
Uba uck waun daut Dankfast jenannt woat denkjt eena dit ieschte aun daut waut eena ut dem Goaden arnten deit.
En dee Westental Kjoakj en dee El Valle Kolonie wia dit Joa daut Ehepoa Jake un Susana Hiebert veauntwuedlich fe dit utstraumen. Wann eena soone Oppguw haft, jrebelt eena seeja, woo eena daut utstraumen kaun. Daut jeit je nich doarom, daut doa grootsch too moaken, uba daut saul auntrakjend utseenen, waut de Menschen dankboa enstallen saul. Schließlich jeit dit doarom, den Harrn fe aul dee Säajnungen too danken, waut Hee em Joa jejäft haft.
Met dit Utstraumen woat de Mensch vleicht nich dankboara, oda vleicht doch.
Wann eena dee schmocke Produkte ut dem Goaden von de Stapp sit, denkjt eena leichta doaraun, met waut un woo de Harr jesäajend haft.
