Dit Urea es billja jeworden

Bie 180 Dola de Tonn jinj dee Ureapries väaje Wäakj rauf. Dee Pries wia rom 1200 Dola de Tonn, un jinj rauf bat 1030 Dola, noch emma väl too dia, uba doch aul in bät bäta. Dee aundre Sorten Dung sent noch nich billja jeworden.
Äjentlich hauden dee Kompanien, waut Dung schachren, nich doamet jeräakjend, daut dee Pries eeja aus em Moatz raufkunen wudd.
Daut späat sich nich doano, daut dee aundre Sorten Dung em Korten woaren billja woaren, wiels dee Loag enne Welt nich soo secha es. Eent waut dee Priesen uck in bät veonsechren es dee Spaunung tweschen Russlaund un dee Ukraine. Russlaund dreift äa Nubalaund auntoojriepen un eene Plack von dee Ukraine entoonämen. Wann daut passieren wudd, kunen dee Priesen noppgonen, wiels von doa in schoof Dung jekoft woat.